Gu Ta Gutarrak
GU TA GUTARRAK
Txurruren bisita jaso dute gutarrek!
EITB
EITB
Mallabitarrak sorpresa eman die gutarrei, baina Aitor izan da bisita gehien eskertu duena. Billabonatarra triste xamar zebilen azkenaldian, eta bere 'anaia'ren bisitarekin gora etorri da berriz ere.
Bideoak (1)
Informazio gehiago (1)
Egoitz Txurruka 'Txurru' Morgara bisitan itzuli da, eta gutar guztiak aho zabalik utzi ditu.
'Gu ta gutarrak' saioko lehen denboraldiko gutarra izan zen Txurru. Bigarren denboraldian, ordea, talde arrosako gutarburu hasi zen, saioa utzi behar izan zuen unera arte; izan ere, Mallabiko gutarburu ohiak irakasle izan nahi du eta, bere etorkizun profesionalean aurrera egiteko, praktikak egin behar zituen. Une latza izan zuten gutar guztiek Txurruk alde egin zuenean.
Dena dela, Txurru bueltan da bere energiarekin eta umore onarekin, eta gutarrek harrera beroa egin diote. Aitor izan da bere 'anaia' ikustearekin gehien poztu dena. Talde arrosako gutarburuak bere taldearekin izan dituen gorabeherak azaldu dizkio Txurruri, eta bisitarekin indarberrituta datorrela esan du; alegia, dena beste era batera ikusten duela eta berriz ere egurra emateko prest dagoela.
Irantzu ere pozik azaldu da Txurruren bisitarekin, baina Aitorrek eta Txurruk 'Irantzumania'ri ekingo zioten beldur.
