Zuek hor
Gaur, 15:40an
'Zuek hor eta gu hemen' saioak azken programa izango du
Gabonekin batera agur esango du Alkainek eta Galartzak gidatzen duen umore saioak.
Hilabete zoragarriak igaro ditugu "Zuek hor eta gu hemen" saioan, baina emisioko azken eguna iritsi da. Gabonekin batera, agur esango diogu "Zuek hor" saioari. Hala ere, umorez josita etorriko da azken saio hau.
Egunero bezala, hemen izango da Agurne Anasagasti berriketan egiteko asmoz. Bidelagun izango ditu ohiko bilakatu diren Maite Bastos, Saioa Lopez eta Maisha MC. Gainera, Maishak agur rap zoragarri bat botako du zuzenean!
Azken eguna bada ere, beti legez, zozketa egingo dute. Debako Aisia hotelean bi lagunentzako asteburu zoragarri bat zozkatuko dute. Oraindik ez duzula parte hartu? Asmatu zein den fraideek ahopean abesten duten kanta, eta bidali erantzuna WhatsApp bidez 605 779 540 zenbakira!
Gainera, hilabete hauetako unerik onenen bilduma aukeratu dute aurkezleek. Zein izan ote da Alkainen unerik gustukoena? Eta La Jaiorena?
Horiek guztiak, eta gehiago, 15:40an hasita, ETB1en!
