Osasuna
Gaur entrenamendua egin dute
Osasuna-Racing: Azken lan saioak gauzak pixka bat argitu ditu
Erredakzioa
Dady, Vadocz, Flaño eta Delporte deialditik at gelditu dira. Gaurko lan saioan ere, Camachok ez du hamaikakoaren arrastorik eman Racingen aurkako itzuliko partidarako (20:00etan).
Eduardo Fernandes ''Dady'' portugaldarra, Krisztian Vadocz hungariarra, Ludovic Delporte frantziarra eta Miguel Flaño nafarra Camachok Osasuna-Racing Kopako partidako deialditik at gelditu dira.
Gorritxoen entrenatzaileak, Jose Antonio Camachok, gaur eman du 18 jokalariz osatutako deialdia, gaur bertan egindako azken entrenamenduaren ostean. Teknikariak ez du hamaikakoaren arrastorik eman gaurkoan ere ez.
Deialdia Ricardo, Roberto, Azpilikueta, Roversio, Josetxo, Monreal, Masoud, Rúper, Nekounam, Camuñas, Galán, Pandiani, Sergio, Etxaide, Puñal, Juanfran, Calleja eta Aranda jokalariek osatzen dute.
Osasunaren eta Racingen arteko partida Iruñera helduko da kantabriarren aldeko 2-1eko emaitzarekin. Reyno de Navarra futbol-zelaian jokatuko da 20:00etan eta epailea Turienzo Alvarez izango da.
