Gizartea
Iruñean
Hilda aurkitu dute Arga ibaira eroritako gaztea
Erredakzioa
26 urteko R. A. G. gaztea Burlatako auzotarra zen eta lagun batekin Igeriketa Elkartetik gertuko Arga ibaia gurutzatzeko pasabidetik zihoala uretara jausi zen.
Bilatze lanetan ibilitako zerbitzuek hilda aurkitu dute Arga (Iruña parean) ibaian atzo desagertutako gaztea. Madalenako Zubian aurkitu dute arratsaldeko 16:40tan, Nafarroako Gobernuak jakinarazi duenez.
26 urteko R. A. G. gaztea Burlatako auzotarra zen. Ezbeharra domeka goizaldean, 5ak inguruan gertatu zen. Gaztea etxera zihoan lagun batekin eta Arga ibaiko pasabidetik pasatzen ari zela, uretara erori zen eta urak eraman zuen.
Istripua gertatu eta berehala hasi ziren urpekariak lanean, ehun pertsona inguru ibili dira gorpuaren bila. Gaur arratsaldeko lehen orduan topatu duten arte.
Hildakoaren familia Nafarroako osasun zerbitzuetako psikologo batekin izan da uneoro, hori eta gehiago beharko baitute ezbeharrari aurre egiteko.
