Ustelkeriaren aurkako Fiskaltza sortzea proposatu du Elkarrekin Podemosek

Iñigo Urkulluk esan du krisia gainditzeko zientzian, ikerkuntzan eta teknologian gehiago inbertitu behar dela. Jasone Agirrek ohartarazi du 13.500 pentsiodunek Diru-sarrerak Bermatzeko Errenta jasotzen dutela eta agindu du EH Bilduk 1.080 euroko gutxiengo pentsioa bermatuko duela. Miren Gorrotxategik Ustelkeriaren aurkako Fiskaltza sortuko duela adierazi du. Carlos Iturgaizek etxebizitzen okupazio ilegala kartzela-zigorrarekin zigortzea proposatu du. Idoia Mendiak uste du automobilgintzaren sektorea eta aldaketa klimatikoaren aurkako borroka ez direla aurrez aurre jarri behar. Jose Ramon Becerrak erraustegi eta zabortegi guztiak ixtearen aldeko apustua egin du.