Hauteskundeen emaitzak mobile bertsioan ere emango ditu eitb.com-ek

EITB taldeko webgunearen bertsio "klasikoak" ETBko etairratietako programen emisioak zuzenean, uneoro eguneratutako informazioa, eguneko momenturik onenen argazkiak eta bideoak eta, nola ez, berehala eguneratutako emaitzak herriz herri (grafikoekin eta datu historikoekin ilustratuta) eskainiko ditu.

Smartphonek eta "tablets"ek m.eitb.com domeinua izango dute eskura, euskarri mugikorrentzako bertsio bereziarekin. Bertan, hauteskundeen webgune berezian sartzeko esteka modu nabarmenduan agertuko da, bilatzaile eta gaueko informazioarekin batera.

Dispositibo mugikor hauetatik bertsio "klasikoaren" eduki guztiak ere kontsultatu ahal izango dira, horien artean, bideoak, argazkiak, audioak, Foru eta Udal Hauteskundeekin erlazionatutako testuak zein eguneko gainontzeko informazioak.

Orain dela lau urteko Foru eta Udal Hauteskundeek une garrantzitsu bat suposatu zuten eitb.com-entzat iturri desberdinetako datuak konbinatuta eskaintzea lortzeagatik eta, hala, emaitzak azkartasun gehiagoz ematen zituen on-line komunikabidea bilakatzeagatik. Oraingoan, bizkortasunari sarbidea bertsio mugikorretatik smartphone eta "tablets"entzako gaineratu nahi da.

Android sistema eragilea duten telefonoetarako, berriz, erabiltzaileek Android Market-en eskuragai izango dute eitb.com-en aplikazioa, eta emaitzak zuzen zuzenean jaso ahal izango dituzte.