AEBko hauteskundeak 2020: Azaroak 3, legegintzarako hauteskundeak AEBn | EITB Hauteskundeak AEB

AEB-ko HAUTESKUNDEAK

09:46

AEB-ko HAUTESKUNDEAK

Presidente berriaren hitzaldia

Estatubatuar guztien presidentea izango dela hitzeman du Trumpek

AGENTZIAK | ERREDAKZIOA

AEBko hauteskundeak irabazi dituela jakin ostean, herrialdea berreraikitzea eta amets amerikarra berritzea defendatu du.

  • Whatsapp
  • Whatsapp
  • telegram
  • Bidali

Donald Trump AEBko presidente aukeratu berriak estatubatuar guztien presidentea izango dela hitzeman du hauteskundeak irabazi dituela jakin ondoren egin duen hitzaldian. Aldi berean, herrialdea berreraikitzea eta amets amerikarra berritzea defendatu du.

Trump emaztea eta senideak alboan zituela igo da oholtza gainera. Hautagai errepublikanoak adierazi duenez, Hillary Clintonek telefonoz deitu dio haren garaipena aitortzeko.

Hillary Clinton hautagai demokrata zoriondu du egindako kanpaina "gogorrarengatik", eta azken urteetan herrialdearen "zerbitzura" egindako lana aitortu dio.

Orain batzeko garaia dela azpimarratu ostean, estatubatuar guztien presidentea izango dela hitzeman du. "Etorkizunerako nahi dugun guztia gure esku dago", aldarrikatu du.

AEBko presidente berriaren esanetan, herrialdea berreraikitzea eta amets amerikarra berritzea izango dira bere lehentasunak. Ildo horretan, enpresaburu gisa duen esperientzia azpimarratu du eta estatubatuar guztiek beren potentziala baliatzeko aukera izango dutela gaineratu du.

Bestalde, nazioarteko komunitateari esan dio AEBren interesak jarriko dituela gauza guztien gainetik, baina haren Gobernuak beste herrialdeekin modu "justuan" lan egingo duela.

n egingo duela.

n egingo duela.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena