Honela eragingo dio Donostiako Klasikoak trafikoari

Donostiako Klasikoak eragina izango du trafikoan, eta errepideak itxiko dituzte, batik bat hirigunean, datorren larunbatean. Halaber, aparkalekuetako sarrera- irteerak ere itxiko dituzte Boulevardean, Kontxan, Alderdi Ederren, Zuloagan, Okendo eta San Martinen.

Donostiako Udaletik jakitera eman dutenez, datorren abuztuaren 3an, ostiralean, emango zaie hasiera trafiko mozketei. 15:00etatik aurrera ibilgailu partikularrek ezingo dute Legazpi kaletik Boulevardera sartu (bertakoak, garraio publikoa eta larrialdi zerbitzuak ezik).

Bestetik, arratsaldeko 17:00etatik 18:00etara, helmugako arkua jartzeko lanak direla eta, itxita egongo da trafiko mota guztientzako. Ordu horreetan Bulebarrean gelditzen diren linea guztiak Okendo kalean geldituko dira.

Abuztuaren 4an, Boulevarda 8:00etatik 20:00etara egongo da moztuta. Trafikoarentzat goizetik itxita egongo den gunea Boulevardean hasi eta Askatasunaren Hiribideraino zabalduko da.

Lasterketaren irteera dela eta, 11:00etatik 12:00etara Boulevarda, Hernani kalea, Askatasun Hiribidea, Zubieta Antiguarantz abiatzerakoan, guztiz itxita izango dira.

Halaber, hiriko sarrerak hainbat aldiz moztuko dituzte: Ategorrieta, Nafarroa eta Zurriola Hiribideak, Zurriola zubia, Reina Regente, Zubieta, Zumalakarregi (Añorgarantz), Tolosa hiribidea (Añorgarantz), Igara eta Igeldo igoera eta jaitsiera. 15:30etik aurrera, trafikoa moztea aurreikusten da.

Igeldo Pasealekurako sarbidea 16:00etan moztuko da, bai igotzeko eta baita jaisteko ere. Mozketak lasterketa pasatu arte iraungo du. Mozketak eragin zuzena izango du garraio publikoan eta baita gainerako trafiko osoan ere.