Baipasa
GURE PIKNIKA
Wrap bilkariak piknikerako
ALOÑA BERAZA PEÑA
Betiko ogitartekoen ordezko paregabeak izan daitezke bilkariak, arinak, egiteko errazak eta zapore bikainekoak. Aukera beganoa ere proposatu digu Enara Parrak.
-
Wrap bilkariak proposatu dizkigu Enara Parrak gure piknikerako
11:22 min
Wrap bilkariak nola egiten diren azaldu digu Enara Parrak. Ogitartekoen ordez piknikean sartu ditzakegun elikagaiak dira, errazak eta azkar batean prestatzeko modukoak.
Osagaiak (6 pertsonarentzat):
- 6 arto edo gari tortilla
- Humusa 150 g
- Uraza hosto batzuk
- Tomate bat xerratan
- Ahuakate bat xerratan
Tapenade:
- 25 oliba beltz
- 2 antxoa (gatzetan)
- 2 koilarakada oliba olio
- Limoi zuku koilarakada 1
- Oregano lehor koilarakadatxo erdia
- Berakatz erdi bat
- Piperbeltza
URRATSAK:
- Lehenengo, tapenadea prestatuko dugu, horretarako osagai guztiak txiki-txiki egin behar dira. Labanarekin edo pikatzaile elektriko bat erabili dezakezue.
- Ondoren tortillak berotuko ditugu zartagi bero batean edo mikrouhin-labean 10 segunduz.
- Dana listo, goazen wrap edo bilkariak egitera.
- Ipini tortilla bat plater batean edo erdi-erdian humus lerro bat marraztu.
- Lerroaren ondoan tapenadearekin beste lerro mehe bat jarri.
- Eta guzti honen gainean, letxuga, tomate eta ahuakatean kokatu.
-Orain kontuz kontuz tortilla biribilkatu bilkaria sortuz.
-Piknikera eramateko aluminio paperean batu eta listo.
