Faktoria magazina
Hegaztien bila balkoitik
Oier Erkizia, 12 urterekin hegaztien behatzaile fina
Itxialdian Doneztebeko bere balkoitik hegaztiei argazkiak ateratzen eta grabatzen aritu ondoren, "Hegaztien bila balkoitik" bideoa egin du eta Urdaibai Bird Center-etik biziki txalotu diote lana.
-
Oier Erkizia bere balkoian argazkiak ateratzen
8:34 min
Oier Erkizia Amoros-ek 25 hegazti espezietik gora ikusi ditu bere balkoitik itxialdiko bost astetan eta haiei ateratako argazki eta irudiekin osatu du bideoa. Goizean goiz jartzen zen balkoian kamararen atzean eta gero ilunabarrean berriro. Aitonak lagundu dio eta anai arreba txikiagoek ere bai, denak txorien bila.
Youtube-ra igo dute bideoa eta Urdaibai Bird Center-era ere iritsi da. Gaur Edorta Unamumo, Urdaibai Bird Center-eko biologoak biziki goraipatu eta txalotu dio lana Oier Erkizia-ri Faktoria saioan.
Martin arrantzaleari argazkia atera ezinik dabil Oier Erkizia, asko mugitzen delako hegazti hau eta Edorta Unamunok aholkuak eman dizkio. Era berean familia osoari gonbitea egin dio Urdaibaiko hegaztiak ikustera joan daitezen.
