Goiz kronika asteburua
Berdintasuna
Genero arrakala areagotu besterik ez du egin pandemiak
Amaia Balentziaga
Pandemiak emakumeengan izan duen eraginari begiratu nahi izan diogu gaur. Urtea ez da erraza izan inorentzat, are gutxiago emakumeentzat.
-
Mugimendu Feministaren zapiak iazko manifestazioetako batean.
6:49 min
Egin diren ikerketa eta datuek erakusten dute pandemiak desberdin eragin diela emakume eta gizonei. Gaixotasunaren aurrean, esposizio gehiago izan dute, eta agerian gelditu da zaintza lanen beharra, hain zuzen, emakumeek gehienbat egiten dituzten lanena.
Ikerketen arabera, gainera, konfinamenduan zehar ez da hobetu erantzukidetasuna gizon eta emakume banak osatutako bikoteetan. Ondorioz, areagotu egin da ondoez psikologikoa emakumeengan. Genero indarkeriaren arloan ere egoera ez da hobetu. Izan ere, konfinamenduan etxe asko ez dira seguruak izan emakumeentzat, feministen esanetan, neurriok ez direlako genero ikuspegiarekin hartu. Izaskun Landaida Emakundeko zuzendariak, Zuriñe Rodriguez feminismoan aditu den kazetariak eta Naia Torrealdai Euskal Herriko Bilgune Feministako kideak eman dizkigute xehetasunak.
