Arrauna
Irailak 19-20
Getaria, Zumaia eta Mugardos, Portugaleterekin Ligako play-offean
eitb.eus
San Miguel Ligako azkenaurrekoarekin lehiatuko dira KAE Ligako bi onenak eta Galiziako bigarrena, Bermeon eta Portugaleten.
-
Portugalete / EITB.
Portugalete, Zumaia, Getaria eta Mugardos arituko dira San Miguel Ligako playoffean. Soilik bik lortuko dute hurrengo denboraldian maila gorenean aritzeko aukera.
TKEk play-offeko parte-hartzaileak iragarri ditu. Getaria eta Zumaia dira KAE Ligako bi onenak, 147 eta 137 punturekin, hurrenez hurren. Amegrove LGTko lehenengoa izan da, baina play-offean ez egotea erabaki ostean, Mugardos arituko da, bigarren sailkatua.
Lau traineruak hurrengo urtean San Miguel Ligan aritzeko borrokan lehiatuko dira, Bermeoko Banderan, irailaren 19an, eta El Corte Ingles Banderan, 20an.
