Beste kirolak
Erandion
Bi idi dopinaren ondorioz hil zirela baieztatu dute
Erredakzioa
Analisien arabera, dopatzeko substantziak eman zizkieten idi-proba batean horien errendimendua hobetzeko.
-
Idi-proba. Argazkia: artxibokoa
Duela hilabete bi idi hil ziren aldi berean Erandion, idi-apustu batean parte hartu behar zutenean. Analisien arabera, dopatzeko substantziak eman zizkieten proba horretan horien errendimendua hobetzeko.
Bizkaiko Foru Aldundiko Nekazaritza Sailak baieztatu duenez, Erandio Goikoa auzoko Andra Mari jaietan idi-dema batean parte hartu aurretik hil ziren biak.
Abeltzainak 1.500 eta 15.000 euro arteko isuna jaso dezake, animaliak babesteko legean ezarritakoaren arabera, arau-hauste oso larria baita animaliak dopatzea lehiaketaren batean emaitza hobeak lortzearren.
