Publizitatea
Itxi

2020/06/01

19:47

Beste kirolak

Tenisa

Roland Garros irailean jokatuko da eta zaleak harmailetan daudela, ahal bada

Erredakzioa

"Roland Garros jokatu egingo dela baieztatzen dizut", adierazi zuen Bernard Giudicelli Frantziako Tenis Federazioko presidenteak, 'Twitch' saioan.

  • Rafael Nadal

    Rafael Nadal, 2019ko Roland Garroseko txapeldunaren garaikurrarekin. Argazkia: EFE

  • Whatsapp
  • Whatsapp
  • Telegram
  • Bidali

Roland Garros irailean jokatuko dela esan du Bernard Giudicelli Frantziako Tenis Federazioko presidenteak, astelehen honetan. Frantziako Grand Slama atzeratzea erabaki zuten koronabirusaren pandemiarengatik.

Giudicellik gaineratu du, ahal bada zaleak harmailetan egongo direla. "Roland Garros jokatu egingo dela baieztatzen dizut", esan zuen Federazioko presidenteak Gaël Monfils tenislariak aurkezten duen 'Twitch' saioan.

Gobernuak ezartzen dituen neurrietara egokitu beharko direla aitortu du, eta helburua publikoa estadioan egon ahal izatea dela: "Harmailetan ahalik eta zale gehien eduki ahal duen Roland Garrosaren aldeko apustua egiten dut. Ateak itxita jokatzearen hipotesiari ez diogu maitasun handirik".

"Ez dugu ahaztu behar Gobernua dela erabakitzen duena. Estadio nagusiaren handitzearen ostean, eta segurtasun neurriak betez, Roland Garros murriztua imajinatu ahal dugu, jokalariak eta zaleak babesteko", gaineratu du Bernard Giudicellik.

  • Bisitatuena

      Kargatzen ikusiena
      Kargatzen ikusiena
    ;