Beste kirolak
Larrialdi egoera Japonian
Ez da ikuslerik egongo harmailetan Tokioko Olinpiar Jokoetan
A. B. E. | EITB Media
Japoniako Gobernuak hala erabakita, datorren astelehenetik (uztailak 12) abuztuaren 22ra arte larrialdi egoera jarriko da indarrean Japonian. Neurriak Olinpiar Jokoei bete-betean eragiten die, uztailaren 23an hasiko baitira.
Albisteak (3)
Tokioko Olinpiar Jokoetan ez da ikuslerik egongo olinpiar estadioko harmailetan, Japonian covid-19 koronabirusaren pandemiaren egoerak okerrera egin baitu. Nazioarteko Olinpiar Batzordeak eman du erabakiaren berri ostegun honetan.
Japoniako Gobernuak hala erabakita, datorren astelehenetik (uztailak 12) abuztuaren 22ra arte larrialdi egoera jarriko da indarrean Japonian. Neurriak Olinpiar Jokoei bete-betean eragiten die, uztailaren 23an hasiko baitira.
Olinpiar Jokoak ikuslerik gabe egiteko erabakia eragile ezberdinen arteko batzar baten erabaki zen. Bertan izan ziren Thomas Bach Nazioarteko olinpiar Batzordeko presidentea, Tokyo 2020ko batzorde antolatzaileko ordezkariak, Nazioarteko Batzorde Paralinpikoko kideak, baita Japoniako eta Tokioko Gobernuko ordezkariak.
