Itxi

2021/10/08

21:23

Beste kirolak

Espainiako Irekia (2. eguna)

Rahm bigarren postuan kokatuta da, Besseling liderrarengandik kolpe bakarrera

AGENTZIAK | EITB MEDIA

Barrikako golflariak 67 kolpeko txartela sinatu du (-4), eta -12rekin jarri da guztira. Lorenzo-Verak eta Otaeguik, biak -4rekin, aurrera egitea lortu dute, eta asteburuan jokatzeko eskubidea eskuratu dute.

  • Jon Rahm, Espainiako Irekiko bigarren jardunaldian

    Jon Rahm, Espainiako Irekiko bigarren jardunaldian. Argazkia: EFE

  • Whatsapp
  • Whatsapp
  • Telegram
  • Bidali

Jon Rahmek, munduko lehen sailkatuak, 67 kolperekin (-4) amaitu du Madriden jokatzen ari den Espainiako Irekiaren bigarren jardunaldia. Erregistro horrek sailkapenean postu bat igotzea ahalbidetu dio, eta -13ko markarekin dagoen Wil Besseling liderrarengandik kolpe bakarrera jarri da, bigarren tokian.

Barrikako golflariak hiru birdie, eagle bat eta bogey bat egin ditu bere ibilbidean zehar, lehendabiziko eguna bezain oparoa izan ez den bigarren jardunaldian.

Besselingek, bere aldetik, 65 kolperekin (-6) amaitu du bigarren jardunaldia, eta, kontuan hartuta lehendabiziko egunean 64 (-7) kolpe egin zituela, lehendabiziko postura egin du jauzi.

Herbeheretarrak sei birdie izan ditu bidelagun, eta horrek ahalbidetu dio Ross McGowan ingelesa lehen postutik kentzea. Britainiarrak lehen egunean bere jokorik onena atera zuen (61 kolpe eta -10) , baina bigarren agerraldian ezin izan dio erritmo horri eutsi eutsi (70 eta -1).

Gainerako euskal ordezkariei dagokienez, Mike Lorenzo-Vera lapurtarrak 69 kolpeko txartela sinatu du (-2), Adrian Otaegui donostiarrak kolpe bat gehiago behar izan du (70, -1), eta Samuel del Val bilbotarra zelaiaren parean geratu da bigarren egunez jarraian (71).

Modu horretan, lehenengo biek -4 erregistro metatua daukate, eta horrek txapelketan aurrera egitea eta asteburuan lehiatu ahal izatea ahalbidetu die, Del Valek lortu ezin izan duena.

  • Bisitatuena

      Kargatzen ikusiena
      Kargatzen ikusiena
    ;