Alaves
Larunbatean, 16:15ean
Mendizorrotzan galdu gabe jarraitu nahi du Alavesek
Agentziak | Erredakzioa
Arabarrek Real Madril hartuko dute, eta emaitza ona nahi dute, Realaren aurkako derbiko porrota ahaztarazteko.
-
Alaveseko jokalariak, Atletico Madrilen aurkako gola ospatzen. Argazkia: Efe.
Alavesek Real Madril Ligako liderrari aurre egingo dio larunbatean Mendizorrotzan. Arabarrek ez dute etxean partidarik galdu, eta bolada on horri eutsi nahi diote madrildarren aurrean.
Pellegrinoren taldeak maila oso ona eman du Ligako beste bi oilarren aurka, Atletico Madril eta Bartzelona. Real Madril da, Vila-realekin, batera Lehen Mailan partidarik galdu ez duen talde bakarra.
Alaveseko jokalariek eta zaleek Anoetan Realaren aurka jasotako porrota ahaztu nahi dute (3-0) zurien aurka emaitza on bat lortuta. Denboraldi hasierako joko ona ere berreskuratu nahi dute, lehen jardunaldietan arabarrak Ligako ezustea izan baitziren.
Real Madrili dagokionez, Zidanen taldeak ez du ezustekorik nahi, duela aste batzuk erlaxatu egin baitziren eta horrek ligako lidergoa kendu zielako. Aste barruan, gainera, hasierako hamaikakoan ohikoak ez diren jokalariek maila ona erakutsi dute Errege Kopan Cultural Leonesari 1-7 irabaziz.
Ustezko hamaikakoak:
Alaves: Pacheco; Theo Hernández, Alexis, Raúl García, Feddal, Kiko Femenía; Manu García, Camarasa, Dani Torres; Deyverson eta Edgar Méndez.
Real Madril: Keylor Navas; Danilo, Varane, Pepe, Marcelo; Kroos, Kovacic, Isco; Bale, Cristiano Ronaldo eta Benzema.
Epailea: José María Sánchez Martínez (Murtziako batzordekoa).
Estadioa: Mendizorrotza.
Ordua: 16:15ean.
: 16:15ean.