Alaves
LAGAPENA
Victor Lopez Alaveseko jokalariak UD Logroñes taldean jokatuko du, utzita
AGENTZIAK | ERREDAKZIOA
Jokalariak orain gutxi berritu du talde babazorroarekin zuen kontratua, 2021era arte luzatuta, eta jubenila izan arte egon zen klubera itzuliko da.
-
Víctor Lopez (ezkerrean), Alavesekin denboraldi-aurrean jokatutako partida batean. Argazkia: Alaves
Alavesek astearte honetan jakitera eman duenez, Victor Lopez jokalari errioxarrak (Logroño, 1997) Bigarren B mailako UD Logroñes taldean jokatuko du utzita datorren denboraldian. Horrenbestez, jubenila izan arte egon zen taldera itzuliko da hegalekoa.
Jokalariak orain gutxi berritu du talde babazorroarekin zuen kontratua, 2021era arte luzatuta.
Maiatzaren 6an Lehen Mailan egin zuen debuta Alavesekin, Malagaren aurka Rosaledan jokatutako partidan. Horrez gain, Formenteraren aurkako Errege Kopako kanporaketa osorik jokatu zuen.
