Athletic Club
De mutuo acuerdo
Athleticek eta Joseba Etxeberriak eten egin dute elkarrekin zuten lotura
agentziak | erredakzioa
Jokalari zuri-gorri ohia Tenerife taldeko egungo entrenatzailea da, eta 2019ra arte zeukan kontratua Athleticekin.
-
Joseba Etxeberria. Artxiboko argazkia: EiTB
Athleticek eta Joseba Etxeberriak eten egin dute alde biak batzen zituen kirol-teknikari kontratua. Athleticeko jokalari ohia eszedentzian zegoen talde zuri-gorrian, Tenerifeko entrenatzaile gisa ari baita une honetan.
Etxeberriak 2019ra arte zuen lotura Bilboko klubarekin, eta aurretik Athleticeko jubenilen eta Basconiako entrenatzailea izan zen; horrez gain, Ernesto Valverderen talde teknikoaren kidea izan zen.
Etxeberriak bere Twitter kontu pertsonala erabili du agur-mezua bidaltzeko: "Atsegin handia izan da hainbeste urtez klub handi honen kide izatea", horietako 15 jokalari gisa. "Eskerrik asko guztiagatik eta zorte handia etorkizunerako. Aupa Athletic!!".
Ha sido un honor pertenecer a este gran club durante tantos años. Gracias por todo y mucha suerte en el futuro. Aupa Athletic!! https://t.co/vhirW0TkjR
— Joseba Etxeberria (@17Etxeberria) 10 de mayo de 2018
