Athletic Club
Lagatzea
Mikel Vesgak utzita jokatuko du Leganesen datorren denboraldian
eitb.eus
Athleticek ofizial egin du erdilari gasteiztarra talde madrildarrean arituko dela lagata.
-
Mikel Vesga. Artxiboko argazkia: EiTB
Mikel Vesga Athleticeko jokalariak utzita jokatuko du CD Leganes taldean 2018/2019 denboraldia amaitu arte.
Bi taldeek sinatutako akordioaren arabera, Athleticek ezin izango du jokalaria berreskuratu neguko fitxaketa-epean; horrez gain, erdilari gasteiztarrak ezingo du jokatuko talde zuri-gorriaren aurkako neurketetan.
Vesgaren bigarren lagatzea izango da aipatutakoa. 2016/2017ko neguko merkatuan Sporting Gijonera joan zen utzita, non 17 norgehiagoka jokatu zituen gol bat sartuta.
Vesgak Athleticekin zeukan kontratua luzatu zuen joan zen urrian, 2021era arte.
