X

Irratia zuzenean

Errusia 2018: Kroaziak Ingalaterra menderatu du eta finalean izango da

Munduko Txapelketa

2. finalerdia

Kroaziak finala jokatuko du lehen aldiz, Ingalaterra luzapenean menderatu ostean

AGENTZIAK | ERREDAKZIOA

2018/07/12

Mandzukicek luzapenean sartutako gol bati esker lortu dute kroaziarrek finalerako txartela.

  • Mandzukic eta Perisic bigarren gola ospatzen. Argazkia: EFE

    Mandzukic eta Perisic bigarren gola ospatzen. Argazkia: EFE

    Mandzukic eta Perisic bigarren gola ospatzen. Argazkia: EFE
  • Whatsapp
  • Bidali

Kroaziak 2-1 irabazi dio Ingalaterrari, eta Munduko Futbol Txapelketako finala jokatuko du, historian lehen aldiz.

Ingalaterrak partida hasi eta berehala hartu du aurrea, Kieran Trippierrek falta jaurtiketa batean gol ikusgarria sartuta. Bigarren zatian, baina, Ivan Perisicek berdinketa eraman du markagailura.

Luzapenean, batek baino gehiagok penaltiak buruan zituenean, Mandzukic handiak bigarrena sartu du, Perisicek buruz egindako pasea baliatuta.

Hirugarren aldiz heldu dira kroaziarrak luzapenera txapelketa honetan. Danimarka eta Errusia penaltietan kanporatu zituzten; gaur, berriz, luzapenean irauli du partida.

Horrela, bada, Kroaziak eta Frantziak jokatuko dute Errusiako Munduko Futbol Txapelketako finala, igandean. Lehen aldiz arituko dira aurrez aurre bi talde horiek final batean.

Fitxa teknikoa:

Kroazia 2: Subasic; Vrsaljko, Lovren, Vida, Strinic (Pivaric, 95. min); Brozovic, Rakitic, Modric (Badelj, 118. min); Rebic (Kramaric, 101. min), Perisic eta Mandzukic (Corluka, 115. min).

Ingalaterra 1: Pickford; Maguire, Stones, Walker (Vardy, 112. min); Trippier, Henderson (Dier, 97. min), Young (Rose, 91. min), Lingard, Alli; Sterling (Rashford, 74. min) eta Kane.

Golak: 0-1, 5. min: Trippier; 1-1, 68. min: Perisic; 2-1, 109. min: Mandzukic.

Epailea: Cuneyt Cakir (Turkia). Txartel horiak: Rebic (48. min eta 96. min) eta Walker (54. min).

Iruzkinak

Publizitatea
  • Fitxaketak… LaLiga Fitxaketak…
    Publizitatea

    Hurrengo zuzenekoak

    • Gaur
    • ar.
    • az.
    • og.
    • or.
    • lr.
    • ig.

    Ez dago zuzenekorik

    EiTB Kirolak

    Emakumeen Kirola Partidak zuzenean, bideoak, kronikak... Emakumeen Kirola

    Hurrengo zuzenekoak

    • Gaur
    • ar.
    • az.
    • og.
    • or.
    • lr.
    • ig.

    Ez dago zuzenekorik

    Euskal Selekzioak Euskal selekzioak irabazi egin dio Korsikari,… Euskal Selekzioak
    Publizitatea
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena