Oier Sanjurjok ez du Osasunan jarraituko datorren denboraldian

Oier Sanjurjok ez du Iruñeako taldean jarraituko datorren denboraldian; hala jakinarazi du Osasunak. Harrobiko jokalariak futbolari gorritxoa izateari utziko dio, lehen taldean hamalau denboraldi egon ondoren.

Oier Sanjurjo Maté (1986, Lizarra) Osasunako kapitaina da. Izarra Kirol Elkartetik iritsi zen taldera, eta urte luzeak igaro ditu klubaren elastikoa defendatzen. Amaiera emango dio futbolari gorritxoa izateari, entitatearen historian partida gehien jokatu dituen seigarren jokalaria izanik. Gaur egun, 353 neurketa ofizial egiten ditu, eta baliteke partida horiei denboraldiaren azken txanpan parte hartze gehiago gehitzea.