Espainia dena irabazita igaro da Eurokopako final-laurdenetara

Espainiako emakumezkoen selekzioak multzoko lehen postuan egin du aurrera final-laurdenetara, eta Suitza izango du aurkari. Athenea del Castilloren, Patri Guijarroren eta Esther Gonzalezen golei esker, markagailua irauli dute Italiaren aurka (1-3), Bernan, Wankdorf Estadioan.

Italiarrak izan dira markagailua irekitzen lehenak, Olivieroren golari esker, 10. minutuan. Hala ere, gutxi iraun die pozak, Atheneak markagailua berdindu baitu lau minutu geroago. Emaitza horrekin joan dira atsedenaldira.

Aldageletatik bueltan, Guijarrok aurretik jarri ditu espainiarrak, eta amaierara arte emaitzari eusten jakin dute. Luzapenean, Esther Gonzalezek 1-3koa sartu du.

B multzoko beste partidan, Belgikak 1-2 irabazi dio Portugali, eta Italiari final-laurdenetarako beste txartela eman dio horrela.

Fitxa teknikoa:

1 – Italia: Laura Giuliani; Martina Lenzini, Cecilia Salvai (Julie Piga, 77. min), Elena Linari, Lisa Boattin; Elisabetta Oliviero, Manuela Giugliano (Emma Severini, 76. min), Arianna Caruso, Barbara Bonansea (Annamaria Serturini, 77. min); Sofia Cantore (Michela Cambiaghi, 85. min); Martina Piemonte (Cristiana Girelli, 58. min).

3 – Espainia: Adriana Nanclares; Jana Fernandez, Irene Paredes, Maria Mendez, Leila Ouahabi; Aitana Bonmati, Patri Guijarro (Maite Zubieta, 87. min), Alexia Putellas; Athenea del Castillo (Vicky Lopez, 58. min), Salma Paralluelo (Esther Gonzalez, 76. min) eta Mariona Caldentey (Claudia Pina, 76. min).

Golak: 1-0, 10. min: Oliviero. 1-1, 14. min: Athenea del Castillo. 1-2, 49. min: Patri Guijarro. 1-3, 91. min: Esther Gonzalez.

Epailea: Iuliana Demetrescu (RUM).