Goi mailako neurketa

Realak sailkapeneko bigarren postuan dagoen Bartzelonaren aurka neurtuko ditu indarrak gaur Zubietan. Athleticek, bere aldetik, sailkapeneko azken postuetan dagoen Logroñoren aurka jokatuko du.

Talde txuri-urdinak neurketa zaila izango du Bartzelonaren aurka gaur 20:45ean Zubietan. Kataluniako taldeak 2-1 irabazi zion Atletico Madril liderrari azken partidan Toni Dugganek luzapenean lortutako golari esker. Realak, beraz, partida ona egin beharko du sailkapeneko goialdeko postuetara gerturatu nahi badu.

Lehoien taldeak, bere aldetik, gaur 18:30ean Las Gaunasen jokatuko du Logroñoren aurka. Errioxako taldeak porrot egin zuen Madrilen aurkako norgehiagokan, 4-0eko markagailuarekin galdu baitzuen azken postuetako bi talde horien arteko partida garrantzitsua. Bilboko taldeak, aldiz, azken partidetan erakutsitako maila onarekin jarraitu, eta hirura luzatu nahi du garaipenen bolada.

Hauek dira 10. jardunaldian izango ditugun partidak:

Gaur, asteazkena (2018-11-22)

- 16:00etan: Espanyol -  Madril

- 16:00etan: Malaga - Sevilla

- 18:30ean: Emakumezkoen Valentzia - Albacete Fundazioa (beIN LaLiga)

- 18:30ean: Logroño - Athletic

- 19:30ean: Betis Feminas - Sporting Huelva

- 20:45ean: Real Sociedad - Bartzelona (GolTV)

- 21:00etan: Granadilla Tenerife - Levante

Bihar, osteguna (2018-11-22)

- 20:45ean: Atletico Madril - Rayo Vallecano (GolTV)