Vila-real eta Valentzia, aurrez aurre, final-laurdenetan

Vila-realek eta Valentziak indarrak neurtuko dituzte Europa Ligako final-laurdenetan. Kanporaketak apirilaren 11n eta 18an jokatuko dira, UEFAk Nyoneko egoitzan egindako zozketaren arabera.

LaLigako bi taldeen kanporaketa irabazten duenak, Arsenal eta Napoliren artekoaren irabazlearen aurka jokatuko du finalerdietan.

Final-laurdenetako beste bi kanporaketak Benfica-Frankfurt eta Slavia Praga-Chelsea dira.

Finalerdiak maiatzaren 2an eta 9an jokatuko dira, eta final handia maiatzaren 29an, Bakun.