Futbola
36 urte dauzka
Manchester United taldeak Cristiano Ronaldoren fitxaketa konfirmatu du
AGENTZIAK | EITB MEDIA
Talde ingelesak berak eman du akordioaren berri arratsaldean. Aurrelaria duela 12 urte atera zen talde ingelesetik Real Madrilera joateko. Azken denboraldiak Juventusen egin ditu.
-
Cristiano Ronaldo, Juventuseko kamisetarekin. Argazkia: Efe.
Manchester United taldeak eta Juventusek Cristiano Ronaldo aurrelaria talde ingelesera itzultzea adostu dute. Portugaldarrak 118 gol egin zituen Manchesterrekin bere lehen garaian jokatutako 292 partidetan (2003-2009).
"Mundu guztia Cristianori ongietorria emateko irrikaz dago", dio talde ingelesak bere atari ofizialean argitaratutako oharrak.
Ole Gunnar Solskjaerrek entrenatutako taldearen eta jokalariaren arteko akordioa gauzatzeko zenbait arlo itxi behar dituzte: kontratuaren inguruko "zehaztapen pertsonalak", osasun azterketa eta jokalariaren paperak.
Ondo bidean, 36 urteko aurrelaria duela 12 urte utzi zuen taldera itzuliko da. Orduan Real Madrilera joan zen, eta ondoren, Juventusera.
