Futbola
Primera Iberdrola
Orain, zuzenean: Reala-Atletico Madril partida, ETB1en eta eitb.eusen
EITB MEDIA
Beste hiru euskal taldeek ere jokatuko dute gaur, denek 12:00etan: Huelva-Athletic, Bartzelona-Eibar eta Alaves-Sevilla.
-
Realeko jokalariak, gol bat ospatzen. Irudia: EITB Media.
Realak, Primera Iberdrolako bigarren sailkatuak, Atletico Madril, hirugarrena, hartuko du igandean Zubietan, 11:30etatik Aurrera, ligako 21. Jardunaldiko partidan.
Neurketa zuzenean emango dute ETB1ek eta eitb.eusek 11:30etatik aurrera.
Donostiarrek bost puntuko aldea dute madrildarrekin, partida bat gehiago jokatuta, eta denboraldi osoan 15 garaipen eta hiru porrot dauzkate, azkena, asteazkenean bertan Real Madrilen aurka jasotakoa. Norgehiagoka bakarra berdindu dute. Atleticok, berriz, 11 garaipen, bi porrot eta bost berdinketa.
Gainontzeko euskal taldeei dagokienez, Athleticek Huelvari egingo dio bisita. Andaluziarrak kinka larrian daude, sailkapeneko azken aurreko postuan, eta Iraia Iturregirenak, aldiz, boladan dira, sailkapeneko bosgarren postuan.
Eibarrek erronka zaila du Bartzelona aldean, liderraren etxean jokatu behar baitu, eta Alavesek, aldiz, Sevilla zazpigarren sailkatua hartuko du etxean.
