Reala
BERRITZEA
Realak 2029ra arte berritu du Iñaki Ruperezekin duen kontratua
Hegaleko gazte nafarrak, Lehen Mailan trebatu gabeak, Donostiako klubarekin duen lotura luzatu du. Denboraldiaurrean lesionatu zen, eta oraindik ez da erabat osatu.
-
Jokin Aperribay eta Iñaki Rupérez. Irudia: Real Sociedad
Realak asteazken honetan jakinarazi duenez, Iñaki Ruperezek kontratua berritu du 2028-2029 denboraldiaren amaierara arte. Oraindik elitean debutatu ez duen arren, Antsoaingo hegalekoa lehen taldean dago iragan irailetik. Bournemouth taldearen aurkako lagunarteko batean meniskoko lesioa egin zuen, eta sendatzen dabil oraindik.
Rupérez 2022an iritsi zen Osasunatik, jubenila zela, eta talde ohiaren eta Stade Rennaisen aurka golak sartu ditu denboraldiaurreko partidetan. Sergio Franciscoren babesa izan du, non "Jon Mikel Arambururen ordezko" bezala definitu duen, Odriozolaren eta Elustondoren aurretik.
