Reala
Gaur, 20:30etan
Getafek, ligako azkenak, Anoetan jokatuko du
Agentziak | Erredakzioa
Maila mantentzeko garaipena behar dute madrildarrek Realaren kontra. Anoetan jokatutako azken bederatzi neurketetan garaipen bakarra du Getafek.
Realak Getafe hartuko du Anoetan ostegun honetan iluntzeko 20:30etan.
Eusebioren taldeak BBVA Ligako azkenaren kontra jokatuko du, azken 13 partidetan irabaztea zer den ez dakite madrildarrek, 36 puntutik 2 besterik ez dituzte lortu, beraz, garaipena nahitaezkoa dute.
Talde txuri-urdinean aldaketa asko izango dira; Gero Rulli zigortuta dago, Carlos Martinez, Sergio Canales eta Imanol Agirretxe lesionatuta daude eta Eusebiok hainbat jokalariei atsedena emango die, esaterako, Asier Illarramendiri eta Yuri Berchicheri.
Ustezko hamaikakoak
Reala: Olazabal: Elustondo, Reyes, Iñigo Martinez, De la Bella; Ruben Pardo, Bergara, Zurutuza; Xabi Prieto, Vela eta Oyarzabal.
Getafe: Guaita; Vigaray, Vergini, Juan Rodriguez, Roberto Lago; Lacen, Medran; Yoda, Sarabia, Victor Rodriguez; eta Alvaro Vazquez.
Epailea: Sanchez Martinez (Murtzia)
Futbol-zelaia: Anoeta.
Eguna eta ordua: osteguna, 20:30
