Realak lidertzari eutsi nahi dio Riazorren

Realak Deportivo izango du aurkari igande honetan Riazorren, 12:00etan hasiko den partidan. Txuri-urdinak dira Ligako liderrak eta Eusebio Sacristanek zuzentzen duen taldeak lidergoa mantentzea izango du helburu.

Donostiako taldeak hasiera bikaina eman dio denboraldiari bi partidatan bi garaipen lortuta. Deportivok, aldiz, puntu bakarra eskuratu du lehen bi jardunaldietan. Realak Mikel Oyarzabalen baja izango du Raul Navasenaz gain, baina Juanmi jokatzeko prest dago.

Pepe Melek zuzentzen duen taldeak ez dio ondo ekin denboraldiari, baina fitxaketen merkatuan indartu egin da Lucas Perez aurrelaria ekarrita. Perez Arsenaletik utzita joan da Deportivora eta mehatxua izango da Realeko defentsentzat.

Ustezko hamaikakoak:

Deportivo: Tyton; Juanfran, Schär, Sidnei, Luisinho; Fede Cartabia, Guilherme, Mosquera, Bruno Gama; Adrian Lopez, Florin Andone.

Reala: Rulli; Odriozola, Iñigo Martinez, Elustondo, De la Bella; Illarramendi, Zurutuza, Xabi Prieto; Juanmi, Vela, Willian Jose.

Epailea: Munuera Montero.

Zelaia: Abanca Riazor.

Ordua: 12.00etan.