Itxi

Reala

Primera Iberdrola

Natalia Arroyo, Realeko entrenatzaile berria

Erredakzioa

Gonzalo Arconada ordezkatuko du karguan. Bartzelona eta Espanyol taldeetako jokalaria izan zen. 2021eko ekainaren 30era arte sinatu du kontratua, beste urtebetez luzatzeko aukerarekin.

1:25
Natalia Arroyo

Natalia Arroyo da Realeko entrenatzaile berria. Teknikari kataluniarrak Gonzalo Arconada ordezkatuko du karguan. Klubak larunbat arratsaldean egin du ofizial ohar baten bidez.

Arroyok 2021eko ekainaren 30era arte sinatu du kontratua, eta beste urtebete luzatzeko aukera izango du helburu batzuk betez gero. Realak adierazi duenez, datozen egunetan jakinaraziko du talde teknikoa nortzuk osatuko duten.

Bartzelona eta Espanyol taldeetan jokatu zuen Natalia Arroyok, 34 urte ditu, eta Esplugues de Llobregatekoa (Katalunia) da. Egun, Kataluniako selekzioko hautatzailea da, eta telebista kate baten futbol partiden iruzkinak egiteagatik ere ezaguna da.