Txapeldunen Liga
Finalerdiak
Manchester City vs Real Madril, gaur, Etihad Stadium futbol-zelaian
EITB Media
Guardiolaren eta Ancelottiren taldeek Txapeldunen Ligako finalerdietako joaneko partida jokatuko dute.
-
Manchester City vs Real Madril. Argazkia: EFE
Txapeldunen Ligako finalerdietako lehen partida jokatuko da gaur.
Manchesterreko Etihad Stadium futbol-zelaian Cityk eta Real Madrilek neurtuko dituzte indarrak gaueko 21:00etan.
Carlo Ancelottik David Alavaren eta Casemiroren zalantzak ditu. Erdilariak zailago du hasierako hamaikakoan egotea Luka Modric eta Toni Kroosekin batera. Defentsak jokatzen ez badu Nacho aterako da hasieratik Eder Militaoren ondoan. Aurrealdean 12 gol egin dituen Karim Benzema eta Vinicius egongo dira.
Pep Guardiolak, Atletico Madril kanporatu eta gero, Parisen maiatzaren 28an jokatuko den finalean izan nahi du eta horretarako lehen partidan gauzak ondo egin beharko ditu Premer Leagueko taldeak.
Cityk bere luxuzko hamaikakoa zelairatuko du.
FITXA TEKNIKOA
MANCHESTER CITY: Ederson; Walker, Ruben Dias, Laporte, Zinchenko; De Bruyne, Rodri, Bernardo Silva; Gabriel Jesus, Foden eta Sterling.
REAL MADRIL: Courtois; Carvajal, Militao, Alaba, Mendy; Valverde, Camavinga, Kroos, Modric; Valverde, Benzema eta Vinicius.
Epailea: Istvan Kovacs.
Futbol-zelaia: Etihad Stadium.
Ordua: 21:00.
