Binakakoa
12. jardunaldia
Olaizola II.ak eta Zabalak aise irabazi dute (22-12)
Erredakzioa
Asegarceko bikoteak garaipen erosoa lortu du Yves Xalaren eta Abel Barriolaren aurka, Angeluko Elhogar pilotalekuan. Aspekoak aukerarik gabe gelditu dira txapelketan.
-
Olaizola. Argazkia: EiTB
Aimar Olaizolak eta Ibai Zabalak aurrerapauso handia eman dute 2013ko Binakako Txapelketako hurrengo faserako sailkatzeko, Xala eta Barriola 22-12 gaindituta Angeluko Elhogar pilotalekuan. Aspeko bikotea sailkatzeko aukerarik gabe gelditu da, porrot mingarria jaso ondoren.
Norgehiagoka orekatuta egon da aurreneko tantoetan (4-4), baina Olaizola II.a eta Zabala aise nagusitu dira Elhogarren, eta aldea erraz handitu dute (8-4). Goizuetakoak eta Berrizkoak 20-9koa jarri dute, eta Aspeko bikoteak ezin izan du markagailua irauli (22-12).
