Itxi

X-deportes_campeonato individual-X

X-deportes_campeonato individual-X

Buruz Burukoa

Final laurdenak

Ezkurdiak baieztatu du igandean jokatuko duela, Buruz Burukoaren final laurdenetako ligaxkaren hasieran

EITB MEDIA

Arbizuko aurrelariak entrenamendua egin du, ostegunean, Egiguren V.arekin, eta egiaztatu du iskionean duen lesioak bilakaera ona izan duela. "Kantxan dena uzteko prest nago", esan du egungo txapeldunordeak.

  • Ezkurdia eta Jaka igandean arituko dira nor baino nor gehiago. Argazkia: EITB Media.

    Ezkurdia eta Jaka igandean arituko dira nor baino nor gehiago. Argazkia: EITB Media.

Joseba Ezkurdiak baieztatu du igandean jokatu duela, Astelena pilotalekuan, Erik Jakaren aurka, Buruz Buruko Txapelketaren final laurdenetako ligaxkaren hasieran, Aspek ostegunean jakitera eman duenez. Arbizuko aurrelariak entrenamendua egin du, ostegunean, Egiguren V.arekin, eta egiaztatu du iskionean duen lesioak bilakaera ona izan duela. "Kantxan dena uzteko prest nago", esan du egungo txapeldunordeak.

"Pozik nago", adierazi du Ezkurdiak, lansaioa amaituta: "Fisioterapeutak gomendatutako ariketa guztiak egin ditut. Entrenatzen hasi naizenean, hasieran, pixka bat beldur izan naiz, eta kontuz ibili naiz; baina, gerora, ez dut ezer nabaritu iskionean. Eroso ibili naiz", adierazi du Arbizuko pilotariak.

"Hobetzeko moduko gauzak daude", zehaztu du, "baina ez dut ezer txarrik nabaritu, eta hori da garrantzitsuena. Igandera arte, egun pare bat ditut, sortutako zalantza horiek baztertzeko. Pozik nago egin dudan entrenamenduarekin, eta prest kantxan dena uzteko", azpimarratu du Ezkurdiak.