Lau t'erdikoa
Finala, abenduaren 16an
Bengoetxea: 'Oso ahul nago eta finala bertan behera uztea eskatu dut'
Erredakzioa
Nafarroako pilotariak ezin izan du Oguetako lan saioa burutu, iragan asteburutik gastroenteritisak eta sukarrak jota baitago. Finala abenduaren 16an, igandean, jokatuko dute.
Bengoetxea VI.ak "oso ahul" dagoela onartu du, eta ezin izan du Belokirekin entrenamendua burutu Gasteizko Ogueta pilotalekuan.
Aimar Olaizolak finala atzeratzea eskatu zuen, eta data abenduaren 9ra aldatu behar izan zuen Pilota Liga Profesionalak. Oinatz Bengoetxeak bigarren atzeratzea eskatu du, eta finala abenduaren 16an jokatuko dute. Goizuetakoak astelehenean lan saioa egin zuen Oguetan, eta bizkarreko mina gainditu duela onartu zuen.
Ogueta bete egingo da
Lau t'erdiko final handia ikusteko sarrera guztiak agortuta daude, pasa den ostiralean kantxako azkenenko txartelak saldu baitziren. Hala ere, zaleek Aimar Olaizolaren eta Oinatz Bengoetxearen arteko finala ikusteko astebete gehiago itxaron beharko dute.
