Bilbao Basket
ACB finala
Bilbao Basket-Regal Bartzelona: Miribilla Barça ahalguztidunaren aurka
Erredakzioa
Bilboko taldeak 'Miribilla efektua' berreskuratu eta ezinezkoa dirudien titulua eskuratu nahi du, Barça 2-0 aurretik baita Palauko bi partidak irabazi ondoren. Hirugarren partida, asteartean 20:45ean.
Bizkaia Bilbao Basketek Regal Bartzelona hartuko du astearte honetan Miribillan. Historia egiteko itxaropena du Bilboko taldeak, nahiz eta finala oso aldapa gora jarri Barçak Palau Blaugranako bi partidak irabazi ondoren.
Fotis Katsikarisek Edu Hernandez-Sonseca pibota errekuperatuko du. Bilbao Basketek badaki ia ezinezkoa dela liga irabaztea, baina Miribillako zale sutsuen babesean finala berdindu eta Palau Blaugranara itzultzea nahi du.
Regal Bartzelonako jokalariak Miribillaren zailtasunaz ohartu dituzte eta Bilbao Basketen errekuperatzeko gaitasunaz hitz egin dute Xavi Pascualen aldagelan.
"Bilbao Basketek oso ondo jokatu du. Oso arriskutsuak dira. Guk eusten jakin genuen. Iraganetik ikasi dugu eta eusten badakigu", esan du Barçako pibota den Boniface N''Dong.
