Katsikaris: 'Horrela defendatuta ez dago Euroligan irabazterik'

Bizkaia Bilbao Basketek bigarren porrota jaso du Euroligan Bennet Canturen etxean 78-69 galduta. Euroligan irabazteko, “defentsako jarrera aldatu” behar dutela adierazi du Fotis Katsikaris entrentzailea prentsaurrekoan.
“Gaur defendatu dugun moduan egiten badugu, ez dago Euroligan partida irabazterik”, esan du greziarrak.
“Cantu talde sendoa da. Jokalariek aspalditik jokatzen dute elkarrekin eta gaur segurtasuna eman dien aldea lortu dute. Baina gure lana defendatzea da. Gure lehentasuna da, larunbatetik hasita”, gaineratu du.