Bilbao Basket
Endesa Liga
Blusens Monbus-Gescrap: Etxetik kanpora sendo jarraitu nahi dute
Erredakzioa
Euroligako neurketan eskumuturrean bihurritua izan zuen Janis Blumsek eta Katsikarisek aldaketak egin beharko ditu hasierako bostekoan. Galiziako taldeak etxean garaipena behar du.
-
Gescrap Bizkaia. Argazkia: EFE
Gescrap Bizkaiak Blusens Monbus taldearen aurka jokatuko du Multiusos Fontes do Sar kantxan (larunbatean 20:00etan). Katsikarisen mutilek etxetik kanpora hirugarren garaipena jarraian lortu nahi dute Endesa Ligan Errege Kopan sartzeko aukerak izaten jarraitzeko.
Bilboko taldeak 7 garaipen eta 9 porrot ditu sailkapenean eta garaipena bai ala bai behar du. Gainera, sailkapenean aurretik dituen lau taldeetako hiruk (Fuenlabrada, Lagun Aro, CAI Zaragoza eta Valentzia) ez irabaztea beharko luke.
Montepaschiren aurka Italian galdu eta gero, talde beltzak sentzazio onak berreskuratu behar ditu. Izan ere, hurrengo asteazkenean Unicaja hartuko baitu Bilbao Basketek Miribillan Euroligako bigarren jardunaldian.
Janis Blumsek ezin izan du taldearekin Galiziara bidaiatu, Euroligako norgehiagokan eskumuturrean min hartu baitzuen Letoniako jokalariak.
