Gescrap Bizkaiak bigarren partida jokatuko du Moskun 17:15etik aurrera

Erredakzioa

Azken eguneratzea: 2012/03/23 09:32 (UTC+1)

CSKA talde indartsuaren aurka ezustekoa ematea bilatuko du Bilbao Basketek. Katsikarisen mutilek kanporaketa berdintzea dute helburu, baina horretarako asteazkeneko irudia garbitu beharko dute.

Hervelle eta Kirilenko lehian. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (3)

Gescrap Bizkaiak asteazkenean baino indartsuago jokatu beharko du CSKA indartsua gainditzeko. Moskuko taldearen aurka partida osoan erne egon beharko dute Katsikarisen mutilek, aurreneko norgehiagokan atsedenaldiaren ostean jipoia eman baitzien CSKAk.

Lehenengo laurdenean Bilbao Basketek ondo eutsi zuen defentsan eta erasoan jaurtiketak sartu zituen. Atsedenaldira 50-40 markagailuan goitik joan zen talde beltza, baina hirugarren laurdenean jokalariek ez zuten maila eman eta Gescrap Bizkaiak 98-71 galdu zuen.

Gaur beste itxura bat erakutsi ebharko dute Katsikarisen mutilek CSKAren erasoa 40 minutuetan defendatzeko. Greziako entrenatzaileak’jarrera gogorragoa’ eskatuko die jokalarie play-offetako bigarren norgehiagoka hil edo bizikoa baita. 1-1ekoa lortzen badu Bilbao Basketek kanporaketa erabaki gabe helduko da Miribillako Bilbao Arenara.