Gipuzkoa Basket
Kontratu-berritzea
Van Lackek Gipuzkoa Basketen jarraituko du, urtebetez
Erredakzioa
Fede Van Lacke eta Delteco GBC ados jarri dira bi aldeak lotzen zituen kontratua denboraldi batez luzatzeko. Jokalariak bigarren urtea beteko du Donostiako taldean.
-
Fede Van Lacke, bere aurkezpenean GBCrekin. Argazkia: EiTB
Fede Van Lackek Delteco GBC taldean jarraituko du, denboraldi batez luzatu baitu kontratua Donostiako taldearekin. Jokalari garrantzitsua izan zen iragan denboraldian, eta datorrenean ere arituko da klub berean.
2017ko udan fitxatu zuen Gipuzkoa Basketek eskolta postuan jokatzen duen jokalari beteranoa, Argentinako La Banda taldetik. 2017-2018 denboraldian maila ona eskaini zuen, eta zaleak bereganatu zituen.
