Itxi

2018/11/19

18:32

Gipuzkoa Basket

KONTRATU AMAIERA

Duda Sanadze hegalekoak ez du Delteco GBCn jarraituko

eitb.eus

Gipuzkoa Basketek ez du luzatu georgiarrarekin zeukan hilabeteko lotura, behin kontratua amaituta.

  • Duda Sanadze. Argazkia: @gipuzkoabasket

    Duda Sanadze. Argazkia: @gipuzkoabasket

  • Whatsapp
  • Whatsapp
  • Telegram
  • Bidali

Gipuzkoa Basketek astelehen honetan jakinarazi duenez, Duda Sanadze hegalekoak ez du jarraituko talde donostiarrean jokatzen, zeukan hilabeteko lotura behin iraungita.

Georgiarra bost norgehiagokatan jantzi du Deltecoren elastikoa Endesa Ligan. Partida horietan, 14 minutu jokatu, 6,8 puntu sartu eta 2,2 errebote harrapatu ditu, batez beste.

Hain zuzen ere, Sanadzek igande honetan jokatu du norgehiagokarik onena talde gipuzkoarrarekin, Real Madrilen kontrako neurketan. 15 puntu eta 11ko balorazioa erdietsi zituen. Aitzitik, Madrilera bidaiatu aurretik, Sergio Valdeolmillos entrenatzaileak ez zuen ziurtatu jokalariak taldean jarraituko zuenik. Granadako teknikariak hala izatea nahi zuen, baina, itxura guztien arabera, Administrazio Kontseiluak, dituen aurrekontu baliabideak aintzat hartuta, jokalariaren kontratua ez luzatzea erabaki du.

 

  • Bisitatuena

      Kargatzen ikusiena
      Kargatzen ikusiena
    ;