Gipuzkoa Basket
ENDESA LIGAKO 2. JARDUNALDIA
Blancos de Ruedak Lagun Arorekin debuta egingo du transferrak lortuta
ERREDAKZIOA
Blancos de Ruedak ostegun honetan egingo du debuta Endesa Ligan Lagun Aroren aurka faltatzen zitzaizkion bi trasnferrak lortu ostean.
-
Sito Alonso lehen garaipenaren bila. Argazkia: EFE.
Donostiarrak denboraldi hasierako lehen garaipena eskuratzen saiatuko dira Sito Alonso Obradoiroren aurka porrotarekin estreinatu ondoren. ACB ligan jokatu duten bost denboraldietan gipuzkoarrek ez dute estreinako partidan garaipen bat bera ere ez eskuratu. Neurketak morbo pixka bat izango du Ricardo Uriz bere taldea izandakoaren aurka arituko baita.
Luis Casimiro Palomoren proiektu berria aste honetan hasiko da, Valladolideko taldeak ezin izan baitzuen pasadan asteburuan CAI Zaragozaren aurka jokatu transferren arazoagatik.
Astearte gauean konpondu zen arazoa. Hiru parteak batzarra egin zuten eta Hervé Touré eta Dalibor Bagarici transferrak lortu zituzten Blancos de Ruedarekin jokatu ahal izateko. Pucelakoak animo biziz daude Endesa Ligako lehen jardunaldia galdu ondoren.
