Baskoniak ezin du Bartzelonaren aurka hutsik egin

Laboral Kutxak Bartzelona hartuko du larunbatean Buesa Arenan (zuzenean, 21:00etan), eta ezin dute kataluniarren aurka huts egin aurtengo Errege Koparako sailkatzea lortu nahi badute.

Azken 13 partidetatik zazpi galdu egin dituzte arabarrek, eta estu eta larri dabiltza Errege Koparako sailkatzeko. 10 talde ari dira borrokan, jaberik gabe dauden bost postuak lortzeko.

Ligako lehen fasea amaitzeko lau partida falta direnean, Bartzelona aurkari gogorra da Baskoniarentzat. Bidean, beste zenbait aurkari zuzenen aurka ere jokatu beharko dute Sergio Scarioloren gizonek.

Laboral Kutxak, gainera, denbora gutxi izan du kataluniarren aurkako partida prestatzeko, ostegunean Euroliga jokatu baitzuen Unicajari irabazita (79-93).

Giuseppe Poeta gasteiztarren azken fitxaketak debuta egin dezake.