Baskoniak 13 jokalariko taldea izango du hurrengo denboraldirako

Felix Fernandezek, TD Systems Baskonia taldeko kirol zuzendariak, adierazi du taldeak 13 jokalari bakarrik izango dituela 2020/21 denboraldirako. Zoran Dragic esloveniarra izan daiteke taldearen azken fitxaketa.

Baskoniako zuzendariak azaldu duenez, Zoran Dragic esloveniarra izan daiteke taldearen azken fitxaketa. Betiere abuztuaren 5a baino lehen jokalariak baietza ematen badu.

Hala ere, esloveniarrak ezetza emanez gero, beste fitxaketa bat bilatuko du taldeak.

Denboraldiaurreari dagokionez, abuztuak 7 eta 8 bitartean azterketa medikoak egingo dira eta 10ean taldea entrenamenduetara bueltatuko da.