Baskonia
Igandea 12:30etan
Murtzia-Baskonia: San Emeteriok ez du jokatuko lau urtetan aurrenekoz
ERREDAKZIOA
Fernando San Emeteriok ez du jokatuko lau urte eta bederatzi hilabeteren ostean. Caja Laboralek UCAM Murtziaren kantxa bisitatuko du Euroligan pairatutako porrota atzean utzi nahian.
-
Fernando San Emeterio ACB Ligan. Argazkia: EFE.
Fernando San Emeteriok ez du jokatuko lau urte eta bederatzi hilabeteren ostean, ezker bikian min hartuta. Baskoniako hegalekoak 191 neurketa jokatu ditu jarraian ACB ligan 2006-2007 denboralditik. Gasteizeko taldera heldu zenetik jokatu gabe geldituko den lehen neurketa izango da.
Dusko Ivanovicen mutilak joan den ostegunean Olympiacosen kontra sufritutako porrot mingarria gainditu nahi dute. ACB Ligan aurreneko lau postuetako bat bermatu nahi dute garaipena lortuz.
Vladimir Golubovic Endesa Ligara itzuliko da Murtziaren aurka. Jokalaria min hartuta dagoen Lampe ordezkatuko du barne jokoan.
Montenegroko pibotak 2,11 metro ditu eta orain bi urte Baskonian aritu zen, taldeak liga irabazi zuen azken urtean. Defentsan lagundu, blokeoak egin eta erreboteak hartzeko fitxatu du talde arabarrak, izan ere, erasoa ez da bere punturik indartsuena.
