Baskonia
Ostegunerako Bilbon
Taldea 'animikoki prest' egotea espero du Pablo Prigionik
Erredakzioa
Aurreko astean porrot mingarria jaso zuen Baskoniak Gescrap Bizkaiaren aurka. Euroligako partida galdu eta txapelketatik at geratu ziren. Oraingoan Ligan neurtuko dituzte indarrak.
-
Pablo Prigioni (ezkerra). Argazkia: EFE
Gescrap Bizkaiak eta Caja Laboralek indarrak neurtuko dituzte ostegun honetan, oraingoan Endesa Ligako partidan (22:00etan). Baskoniak porrot mingarria jaso zuen aurreko astean Bilbao Arenan partida galdu eta Euroligatik kanpo geratzean.
Ostegunerako taldea "animikoki prest" egotea espero du Pablo Prigioni joko-antolatzaileak eta berriro lehiatu ahal izateko "bultzada animikoa" behar dutela aitortu du.
Euroligako trantze latza hori gainditzeko "talde lana" beharrezkotzat jo du argentinarrak. Porrota ahaztu behar dutela adierazi, baina partida horretan egindako akatsak ondo aztertu behar dituztela azpimarratu du.
