Ivanovic: 'Zortea izan dugu, baina garaipena merezitakoa da'

Fernando San Emeterioren hirukoarekin "zorte" izan dutela adierazi du Caja Laboraleko Dusko Ivanovic entrenatzaileak. Hiruko horri esker garaipena eskuratu du Baskoniak Gescrap Bizkaiaren aurka (79-80). Dena den, garaipena "merezitakoa" dela iritzi dio.

"Hamar puntuko aldea izan dugu eta erraz hurbildu dira markagailuan. Azkenean hiruko bati esker nagusitu gara, baina merezitakoa dela uste dut", esan du. Pozik agertu da Ivanovic prentsaurrekoan.

"Txapelketa bat galdu dugu, baina oraindik bi ditugu-Liga eta Kopa- eta dena emango dugu biak irabazteko", gaineratu du.