Saskibaloia
Errege Kopa
Real Madril-CAI eta Bartzelona-Valentzia, Kopako finalerdiak
Erredakzioa
CAI Zaragozak eta Valentziak ez dute Real Madril faborito nagusiaren eta Bartzelona txapeldunaren arteko final klasikoa errepikatzea nahi.
-
Barcelonak Valentzia izango du aurkari, eitb.com-en zuzenean. Argazkia: EFE.
Real Madrilek, Endesa Ligako liderrak eta Kopa irabazteko faboritoak, CAI Zaragoza izango du aurkari, gaur 19:00etan, txapelketako lehenengo finalerdian. Bartzelona, azken Kopa irabazlea, Tenerife 42 puntuko aldearekin kanporatu ostean, Valentziaren aurka arituko da. Valentziak Laboral Kutxa kanporatu zuen final-laurdenetan, azken momentuan. Bigarren finalerdi hori, Bartzelonaren eta Valentziaren artekoa, zuzenean ikusiko da, 21:30etatik aurrera, ETBK-n eta eitb.com-en.
Real Madrilek CAI Zaragozari irabazi dio denboraldi honetan, baina zailtasunekin. Bartzelonak, bestalde, Valentziaren aurka galdu zuen, orain dela aste bat baino ez. Valentziako taldeak finaleko txartela lortzeko aurrekari ona dauka.
