Saskibaloia
ACB Superkopa
Bartzelona-Real Madril, (89-55): Barçaren erakustaldia Buesa Arenan
A.B.
Erredakzioa
Xavi Pascualek zuzentzen duen taldea jaun eta jabe izan zen eta Messinaren taldea jipoitu zuen. Finala Power Electronicsen aurka jokatuko dute katalanek arratsaldeko 19:00etan.
Regal Bartzelonak Real Madrid jipoitu zuen (89-55) Superkopako bigarren finalerdian eta finala jokatuko du gaur arratsaldeko 19:00etan. Finalean Power Electronics Valentzia izango dute aurkari lehen finalerdian valentziarrek Baskoniari irabazi baitzioten.
Xavi Pascualek zuzendutako taldea jaun eta jabe izan zen partidan, baina hirugarren laurdenean erabaki zen norgehiagoka. Bartzelonak 25-3ko partziala sartu zion Real Madrili eta hor erabakita geratu zen lehia.
Azkenean, Bartzelonak 89-55 irabazi zion Real Madrili eta bere aurkari historikoari jipoia emateaz gain finalerako txartela ere lortu zuten katalanek.
