Saskibaloia
Keyona Hayes ordezkatuko du
Brooque Williams fitxatu du Lointek Gernika Bizkaiak
EITB Media
Eskolta postuan jokatzen duen estatubatuarrak Keyona Hayesek utzitako hutsunea beteko du.
-
Brooque Williams, Lointek Gernika Bizkaia taldeko jokalaria. Argazkia: @GKesb
Lointek Gernika Bizkaiak Brooque Williams jokalari estatubatuarra fitxatu du, klubak asteazken honetan (urriak 12) jakinarazi duenez. Azken egunotan taldea utzi duen Keyona Hayesen hutsunea beteko du Williamsek.
Gernika-Lumoko taldeko jokalari berriak 33 urte ditu eta 1,75 metro neurtzen du. Esperientzia du Alemaniako, Italiako, Turkiako eta Espainiako ligetan; azken herrialde horretan Caceresen jokatuta 2017-2018 denboraldian.
Williamsen azken taldea Kayseri turkiarra izan da. 2017-2018 denboraldian Turkiako Ligan 17,8 puntu eta 4,8 errebote erdietsi zituen partidako batez beste, 3,5 asistentzia emanda; Eurokopan, aldiz, 18,4 puntu eta 5,8 errebote lortu zituen batez beste norgehiagokako, 3,8 asistentzia gaineratuta.
